အထွေထွေကျန်းမာရေး
အထွေထွေကျန်းမာရေးဆိုသည်မှာ လူတစ်ဦး၏ ကိုယ်ခန္ဓာ၊ စိတ်ပိုင်းနှင့် လူမှုဘဝအရ အလုံးစုံကောင်းမွန်စွာ နေထိုင်နိုင်စေရန် ကျန်းမာရေးကို ထိန်းသိမ်းကာကွယ်ခြင်းနှင့် ရောဂါများကို ကြိုတင်တားဆီးကုသခြင်းတို့ကို ပါဝင်သော ကျန်းမာရေးအခြေအနေတစ်ခု ဖြစ်သည်။
အာရှတခွင်မှာ သတိထားစောင့်ကြည့်လာရတဲ့ နီပါဗိုင်းရပ်စ် (Nipha Virus)
အိန္ဒိယနိုင်ငံမှာ နီပါဗိုင်းရပ်စ် ကူးစက်ခံရမှုတွေ အများအပြား တွေ့ရှိရပြီးနောက်မှာတော့ အာရှတခွင်က နိုင်ငံတော်တော်များများမှာ ကျန်းမာရေးဆိုင်ရာ တာဝန်ရှိသူတွေက လေဆိပ်တွေမှာ စစ်ဆေးမှုတွေ လုပ်ဆောင်နေပါတယ်။ အဆိုပါ နီပါဗိုင်းရပ်စ်က တိရစ္ဆာန်တွေဆီကနေတဆင့် လူတွေဆီကို ကူးစက်တာဖြစ်ပြီး အပြင်းထန်ဆုံးအနေနဲ့ အသက်သေဆုံးသည်အထိ ဖြစ်နိုင်ပါတယ်။ လက်ရှိအထိ နိုင်ငံထဲမှာ ရောဂါစစ်ဆေးတွေ့ရှိရသူ ၅ ဦးအထိ ရှိနေတယ်လို့ ထိုင်းအာဏာပိုင်တွေက အတည်ပြုထားပါတယ်။ ဒီဖြစ်ပွားမှုက ကြီးကြီးမားမား ဖြစ်ပွားမှု မရှိပါဘူးလို့ အိန္ဒိယ National Center for Disease Control က သတင်းထုတ်ပြန်ထားပါတယ်။ နိုင်ငံအနောက်တောင်ပိုင်းက ပြည်နယ်နှစ်ခုကိုတော့ ကန့်သတ်ထိန်းချုပ်မှုတွေ လုပ်ဆောင်ထားပါတယ်လို့လည်း သတင်းထုတ်ပြန်ထားပါသေးတယ်။ ဒါပေမယ့် အိမ်နီးချင်းနိုင်ငံတွေမှာတော့ ကြိုတင်သတိထားမှုတွေ လုပ်ဆောင်နေကြပါပြီ။ ထိုင်းနိုင်ငံမှာဆိုရင်လည်း ပြည်ပနေဝင်ရောက်လာတဲ့ ခရီးသွားတိုင်းကို စစ်ဆေးမှုတွေ လုပ်ဆောင်တဲ့ လုပ်ငန်းစဉ်ကို စတင်လုပ်ဆောင်နေပြီဖြစ်ပြီး ကိုဗစ်ကာလကလိုပဲ လုံခြုံရေးနည်းလမ်းတွေကို လုပ်ဆောင်နေပါတယ်၊ လို့ ထိုင်းနိုင်ငံရဲ့ Department of Disease Control (TDDC) က ထုတ်ပြန်ထားပါတယ်။ အဖျားအရမ်းကြီးနေတာမျိုး နဲ့ နီပါဗိုင်းရပ်စ် ကူးစက်ခံထားရတယ်လို့ သံသယရှိတဲ့ လက္ခဏာ တစ်စုံတရာ တွေ့ရမယ်ဆိုရင်တော့ လိုအပ်တဲ့ စစ်ဆေးမှုတွေကို ဆက်လက်လုပ်ဆောင်သွားမှာ ဖြစ်ပါတယ်။ အာရှတခွင်မှာ သတိထားစောင့်ကြည့်လာရတဲ့ နီပါဗိုင်းရပ်စ် (Nipha Virus)[/caption] နီပါဗိုင်းရပ်စ်က အာရုံကြောဆိုင်ရာထိခိုက်စေတဲ့ လက္ခဏာတွေကို ခံစားရနိုင်သလို သေဆုံးမှုနှုန်းလည်း မြင့်တယ်လို့ TDDCရဲ့ Director General ကပြောပြပါတယ်။ နီပါဗိုင်းရပ်စ်က တိရစ္ဆာန်တွေဆီကနေ လူတွေကို ကူးစက်တာဖြစ်ပြီး များသောအားဖြင့်ကတော့ လင်းနို့တွေ စားလိုက်တဲ့ သစ်သီးတွေကနေတဆင့် ကူးစက်သလို ဝက်တွေကနေတဆင့်လည်း ကူးစက်နိုင်ပါတယ်။ ရောဂါလက္ခဏာတွေအနေနဲ့ အဖျားကြီးတာနဲ့အတူ ပြင်းထန်တဲ့ ဦးနှောက်ပိုးဝင်ကူးစက်မှုတွေကို ခံစားရနိုင် ပါတယ်။ အချို့သော အခြေအနေမှာ သေဆုံးသည်အထိ ခံစားရနိုင်ပါတယ်။ နီပါဗိုင်းရပ်စ် ကူးစက်နိုင်ခြေကို လျှော့ချနိုင်ဖို့ဆိုရင် - သစ်သီးတွေကို မစားခင်မှာ ရေနဲ့သေချာလေး ဆေးကြောပါ တိရစ္ဆာန်ကိုက်ထားတဲ့ သစ်သီးတွေကို မစားပါနဲ့ ကျိုချက်ထားတဲ့ရေ ဒါမှမဟုတ် ကလိုရင်းခတ်ထားတဲ့ရေကို သောက်ပါ တိရစ္ဆာန်တွေကို ကိုင်တွယ်ထိတွေ့မှုကို ရှောင်ပါ တစ်ခုခုကို ကိုင်တွယ်ထိတွေ့တိုင်းနဲ့ အပြင်က ပြန်လာတိုင်းမှာ လက်ကို ရေနဲ့ ဆပ်ပြာသုံးပြီး သေချာလေး သန့်စင်ဆေးကြောပေးပါ အပြင်သွားတဲ့အခါ ပါးစပ်နဲ့ နှာခေါင်းစည်းကို တပ်ဆင်ပါ အသားတွေကို သေချာကျက်အောင် ချက်ပြီးမှ စားပါ ဖျားနာနေတဲ့သူတွေနဲ့ နေထိုင်မကောင်းတဲ့ တိရစ္ဆာန်တွေကို ထိတွေ့တာမျိုး မလုပ်ပါနဲ့ ရောဂါပိုးကူးစက်ခံထားရသူရဲ့ ခန္ဓာကိုယ်က ထွက်တဲ့ အရည်တွေနဲ့ ထိတွေ့မှုကို ရှောင်ပါ တစ်ကိုယ်ရေသန့်ရှင်းရေး ဂရုစိုက်ပါ ကိုယ်ခံအားကောင်းအောင် ဂရုစိုက်ပါ ဘယ်လိုကူးစက်ပြန့်နှံ့လည်းဆိုတာကို သေချာလေး သိရှိရစေဖို့ လိုအပ်တဲ့ စစ်ဆေးကုသမှုတွေကို လုပ်ဆောင်နေ ပါတယ် လို့ အိန္ဒိယ National Center for Disease Control က တာဝန်ရှိသူတွေက သတင်းထုတ်ပြန်ထား ပါတယ်။ References: [ medicinenet]
ဟော်မုန်းကြောင့်ဖြစ်တဲ့ ဝက်ခြံ
ဝက်ခြံဆိုတာက ကျား၊မ မရွေး၊ အပျိုဖော် လူပျိုဖော်ဝင်ချိန်ကစလို့ ခံစားရတဲ့ အရေပြား ကျန်းမာရေးပြဿနာ တစ်ရပ်ပါ။ ဒီတစ်ခေါက်ကတော့ အရေပြားပေါ်မှာ ဖြစ်နိုင်တဲ့ အထူးသဖြင့် လေဒီလေးတွေမှာ ဖြစ်တတ်တဲ့ ဟော်မုန်းကြောင့်ဖြစ်တဲ့ ဝက်ခြံအကြောင်းကို ပြောပြချင်တာပါ။ ဟော်မုန်းဆိုတာ ဘာလဲ! ဟော်မုန်းဆိုတာက ဝက်ခြံတွေကို ဖြစ်စေတဲ့ အဓိက ဇာတ်ကောင်တွေပေါ့။ ဒါပေမယ့် ဟော်မုန်းက တစ်ချိန်လုံးတော့ ဝက်ခြံဖြစ်စေတာ မဟုတ်ပါဘူး။ ဟော်မုန်းအပြောင်းအလဲဖြစ်တဲ့အချိန်မှာ ဝက်ခြံတွေက ဖြစ်တတ်တာပါ။ ဟော်မုန်းဆိုတာက စိတ်အခြေအနေ အမျိုးမျိုးကို ဖြစ်စေနိုင်သလို ဝက်ခြံတွေ ဖြစ်စေဖို့အတွက်လည်း သတင်းပို့ လှုံ့ဆော်ပေးတဲ့ ဓာတုဗေဒ သတင်းပါးမှု တစ်ရပ်ပါ။ ဘာတွေကြောင့် ဟော်မုန်းဝက်ခြံတွေ ဖြစ်ရတာလဲ! ကြည်လင်ချောမွေ့တဲ့ အရေပြားကို အနှောင့်အယှက်ဖြစ်စေတဲ့အရာက အမျိုးသမီးတွေမှာရှိတဲ့ ဟော်မုန်းတွေ ဖြစ်ကြတဲ့ အီစထရိုဂျင်နဲ့ ပရိုဂျက်စတုန်း ဟော်မုန်းတွေ မမျှတတာ၊ အမျိုးသားတွေမှာရှိတဲ့ အန်ဒရိုဂျင်နဲ့ တက်စတိုစထရုန်း ဟော်မုန်း မမျှတမှုတွေပါ။ ဒီဟော်မုန်းတွေထဲမှာ အချို့သောဟော်မုန်းတွေက အဆီထွက်ရှိမှု များစေပြီး ဝက်ခြံတွေကို ဖြစ်စေတာပါ။ ဘယ်လိုအခြေအနေတွေကြောင့် ဟော်မုန်းဝက်ခြံတွေ ဖြစ်ရတာလဲ! အခုလို အခြေအနေတွေက ဟော်မုန်းဝက်ခြံတွေကို ဖြစ်စေတာပါ။ ဟော်မုန်းပြောင်းလဲမှုတွေ ကိုယ်ဝန်ရှိတာ နို့ချိုတိုက်ကျွေးနေရတာ သွေးဆုံးခါနီးတာ အပျိုဖော်၊ လူပျိုဖော်ဝင်တာ ဟော်မုန်းပါတဲ့ သားဆက်ခြားသောက်ဆေးတွေ သောက်ရတာ ရာသီစက်ဝန်း စိတ်ဖိစီးတာ အစားအသောက်တွေကြောင့်ပါ။ ဟော်မုန်းကြောင့်ဖြစ်တဲ့ ဝက်ခြံ[/caption] ဟော်မုန်းကြောင့်ဖြစ်တဲ့ ဝက်ခြံ ဆိုတာ ဘာလဲ! ဟော်မုန်းဝက်ခြံဆိုတာက အရွယ်ရောက်ချိန်မှာ ခံစားရတဲ့ ဝက်ခြံပါ။ ကိုယ်တွင်းဟော်မုန်း ပြောင်းလဲမှုကြောင့် ဖြစ်တဲ့ ဝက်ခြံပါ။ အဆီပိုတွေ ထွက်လာပြီး ချွေးပေါက်တွေမှာ ပိတ်ဆို့တာကြောင့်လည်း ဝက်ခြံတွေ ဖြစ်လာရ တာပါ။ အဆီပြန်တတ်တဲ့ အသားအရေတွေမှာ ဟော်မုန်းဝက်ခြံတွေ ဖြစ်နိုင်ခြေ များနေပါတယ်။ ဟော်မုန်းဝက်ခြံတွေရဲ့ လက္ခဏာများ ဟော်မုန်းဝက်ခြံတွေမှာ ဆားဝက်ခြံ၊ အဖြူဆံတွေထွက်တဲ့ ဝက်ခြံ၊ အဆီဖုတွေ ပိတ်ဆို့နေတတ်တဲ့ ဝက်ခြံ၊ ပြည်ဖုတွေလို ထွက်နေတဲ့ ဝက်ခြံတွေ၊ အဆီခဲတွေကိုပါ ဖြစ်စေနိုင်ပါတယ်။ ပုံမှန်အားဖြင့်ကတော့ ဝက်ခြံက ပြင်းထန်မယ်ဆိုရင်တော့ အဆီဖုတွေနဲ့ ရောင်ရမ်းပြည်တည်တဲ့ ဝက်ခြံတွေ အနေနဲ့ တွေ့ရနိုင်ပါတယ်။ ဟော်မုန်းကြောင့် ဖြစ်တဲ့ ဝက်ခြံက မျက်နှာရဲ့ အောက်ဖက်ခြမ်း မေးရိုးတလျှောက်၊ ပါးနဲ့ ရင်ဘတ်၊ လည်ဂုတ်၊ ပခုံးနဲ့ နောက်ကျောလို နေရာမျိုးတွေမှာ တွေ့ရတတ်ပါတယ်။ ဘယ်လို သက်သာအောင် လုပ်မလဲ! ဟော်မုန်းကြောင့်ဖြစ်တဲ့ ဝက်ခြံကို သက်သာစေဖို့ဆိုရင် ဟော်မုန်းပမာဏကို ထိန်းညှိပေးဖို့ လိုသလို ဟော်မုန်း ဝက်ခြံ ထပ်မဖြစ်အောင် ကာကွယ်ဖို့လည်း လိုပါမယ်။ ဟော်မုန်းကြောင့်ဖြစ်တဲ့ ဝက်ခြံကို သက်သာစေဖို့ဆိုရင် အဆီပါဝင်မှု မရှိတဲ့ အသားအရေထိန်းသိမ်းတဲ့ ပစ္စည်းတွေကို အသုံးပြုပြီး ချွေးပေါက်တွေကို ပိတ်ဆို့မှု ကင်းအောင် ဂရုစိုက်ဖို့ လိုပါမယ်။ ဟော်မုန်းဝက်ခြံဖြစ်ရတဲ့ အကြောင်းအရင်း၊ အမျိုးအစားနဲ့ ပြင်းထန်မှုကို လိုက်ပြီး ကုသမှုနည်းလမ်းကို ရွေးချယ်ဖို့ လိုပါမယ်။ ဟော်မုန်းဝက်ခြံတွေ သက်သာစေဖို့အတွက် antibiotics လိမ်းဆေးလိမ်းတာမျိုး လုပ်လို့ ရသလို သောက်ဆေးတွေ သောက်တာ၊ ကော်တီဆုန်းထိုးဆေးတွေကို အသုံးပြုပြီး အရောင်ကျအောင် လုပ်ဆောင်တာတွေကို လုပ်ဆောင်ပေးလို့ ရပါတယ်။ Lotoshinn ရဲ့ စကားလက်ဆောင် စိတ်ဖိစီးတာ၊ ကျန်းမာရေးနဲ့ မညီတဲ့ အစားအစာတွေကို စားတာ၊ အိပ်ရေးပျက်တာ များတာ၊ ဟော်မုန်းဝက်ခြံတွေကို ထိတွေ့ကိုင်တွယ်တာ၊ ညှစ်တာ၊ ဆိတ်ဆွတာ၊ သန့်စင်ထားတဲ့ သကြားနဲ့ အချိုတွေကို စားတာ၊ ကစီဓာတ်တွေကို အစားများတာ၊ စိုထိုင်းဆ များတာ၊ စိတ်ဖိစီးမှုများတာတွေက ပိုဆိုးစေမှာပါ။ ဒါကြောင့် သေချာလေး ဂရုစိုက်ဖို့ အကြံပြုလိုက်ပါရစေ။
| ဆောင်းပါး | ရေးသားသူ | ရက်စွဲ | |
|---|---|---|---|
|
Admin
|
02.02.2026
|
› | |
ဟော်မုန်းကြောင့်ဖြစ်တဲ့ ဝက်ခြံ
အထွေထွေ |
Admin
|
27.01.2026
|
› |
|
Admin
|
27.01.2026
|
› | |
|
Admin
|
26.01.2026
|
› | |
|
Admin
|
26.01.2026
|
› | |
|
Admin
|
26.01.2026
|
› | |
|
Admin
|
22.01.2026
|
› | |
အချိုစားလို့ ချောင်းဆိုးတာလား!
အထွေထွေ |
Admin
|
14.01.2026
|
› |
|
Admin
|
12.01.2026
|
› | |
|
Admin
|
29.12.2025
|
› | |
|
Admin
|
04.12.2025
|
› | |
|
Admin
|
04.12.2025
|
› |