အမျိုးသမီးကျန်းမာရေး

ဟော်မုန်းကျန်းမာရေး၊ သားဖွားနိုင်စွမ်းနှင့် တစ်သက်တာ တက်ကြွလန်းဆန်းမှုတို့အတွက် လမ်းညွှန်။

ရေနွေးကြမ်းသောက်တာက အမျိုးသမီးတွေမှာ အရိုးပါးနိုင်ခြေကို ကာကွယ်ပေးနိုင်သတဲ့

ရေနွေးကြမ်းသောက်တာက အမျိုးသမီးတွေမှာ အရိုးပါးနိုင်ခြေကို ကာကွယ်ပေးနိုင်သတဲ့

မနက်ခင်းကို ကော်ဖီတွေနဲ့ စတင်နေတုန်းပဲလား……. ဒါဆိုရင်တော့ မနက်ခင်း နေခြည်နွေးနွေးလေးအောက်မှာ ရေနွေးကြမ်းလေးတစ်ခွက်သောက်ရင်း စတင်လိုက်ဖို့ အကြံပြုချင်ပါတယ်။ ဘာကြောင့် ဒီလိုပြောရတာလဲ ဆိုတာကို ဆက်ပြီးရှင်းပြပေးပါမယ်။  ကျန်းမာတဲ့မနက်ခင်းတစ်ခု ရေနွေးနွေးတစ်ခွက်နဲ့ အစပြုလိုက်ပါ ရေနွေးကြမ်းသောက်တာက အမျိုးသမီးတွေမှာ အရိုးပါးနိုင်ခြေကို ကာကွယ်ပေးနိုင်သတဲ့ ဆယ်စုနှစ်တစ်စုကြာ လုပ်ဆောင်ခဲ့တဲ့ လေ့လာမှုတစ်ရပ်အရ သိရတာက မနက်ခင်းတိုင်းကို ကော်ဖီတွေ၊ လက်ဖက်ရည်တွေနဲ့ မဟုတ်ဘဲ ရေနွေးကြမ်းနဲ့ အစပြုတဲ့ အမျိုးသမီးတွေက အရွယ်ရလာချိန်မှာ အရိုးပါးတာကို ခံစားရနိုင်ခြေ နည်းတာကို တွေ့ရှိခဲ့ရပါတယ်။ လေ့လာမှုအတွင်း အရွယ်ရနေပြီဖြစ်တဲ့ အမျိုးသမီး အယောက် ၁၀၀၀၀ ကို ၁၀ နှစ်ကြာလေ့လာခဲ့ပါတယ်။ ဒီလေ့လာမှုမှာ သိရတာက တစ်နေ့ကို ကော်ဖီ ၅ ခွက်နဲ့အထက် သောက်သုံးတဲ့ အမျိုးသမီးတွေမှာ အရိုးသိပ်သည်းဆက တော်တော်လေး နည်းနေတာကို တွေ့ရှိခဲ့ရပါတယ်။ ဒါပေမယ့် တစ်နေ့ကို ကော်ဖီ ၂ ခွက်သာ သောက်သုံးတဲ့ အမျိုးသမီးတွေမှာတော့ အရိုးပါးနိုင်ခြေက ပုံမှန်ထက် မပိုတာကို တွေ့ရှိခဲ့ရပြီး ကော်ဖီအစား ရေနွေးကြမ်းကိုပဲ သောက်တဲ့အမျိုးသမီးတွေမှာတော့ အရိုးပါးနိုင်ခြေက တော်တော်လေး နည်းနေတာကို တွေ့ရှိခဲ့ရပါတယ်။  အသက် ၅၀ ကျော်လာချိန်မှာ အမျိုးသမီး ၃ ဦးမှာ ၁ဦးက နှစ်စဉ် အရိုးပါးတာ၊ အရိုးပွတာတွေကြောင့် အရိုးကျိုးတာတွေကို ခံစားနေရပါတယ်။ ဒါကြောင့်မို့ အသက်အရွယ် ကြီးရင့်လာချိန်မှာ အရိုးပါးတာ အရိုးပွတာတွေကို ခံစားရနိုင်ခြေကို လျှော့ချဖို့အတွက် နေ့စဉ်တိုင်းမှာ ကော်ဖီ၊ လက်ဖက်ရည်တွေ အစား ရေနွေးကြမ်းလေးကိုပဲ သောက်ဖို့ အကြံပြုချင်ပါတယ်။  လေ့လာမှုအတွင်း ကော်ဖီ၊ လက်ဖက်ရည်တွေကို သောက်သုံးတဲ့ အမျိုးသမီးတွေနဲ့  ရေနွေးကြမ်းကို သောက်သုံးတဲ့ အမျိုးသမီးတွေရဲ့ အရိုးသိပ်သည်းဆကို တိုင်းတာကြည့်ခဲ့ပါတယ်။ ဒီစစ်ဆေးမှုအတွင်း သိလိုက်ရတာက ရေနွေးကြမ်းသောက်သုံးတဲ့ အမျိုးသမီးတွေမှာ အရိုးသိပ်သည်းဆက အခြားသော ကော်ဖီ၊ လက်ဖက်ရည်သောက်သုံးသူတွေထက် အရိုးသိပ်သည်းဆက ပိုကောင်းတဲ့သူပါ။  ရေနွေးကြမ်းသောက်တာက အမျိုးသမီးတွေမှာ အရိုးပါးနိုင်ခြေကို ကာကွယ်ပေးနိုင်သတဲ့[/caption] အကြောင်းကတော့ ကော်ဖီမှာပါတဲ့ ကဖင်းဓာတ်က အရိုးအတွက်လိုအပ်တဲ့ ကယ်လ်ဆီယမ်ဓာတ်ကို ခန္ဓာကိုယ်က စုပ်ယူနိုင်မှုအပေါ် အဟန့်အတားဖြစ်စေလို့ပါပဲ။  အရိုးတွေသန်မာစေဖို့ဆိုရင်တော့ ကယ်လ်ဆီယမ်နဲ့ ဗီတာမင် D က မရှိမဖြစ် လိုအပ်တာပါ။  ဒါကြောင့် နေ့စဉ်တိုင်းရဲ့ မနက်ခင်းတိုင်းကို ကော်ဖီတစ်ခွက်နဲ့ စတင်မယ့်အစား ရေနွေးကြမ်းနွေးနွေးလေးနဲ့ စတင်ကြဖို့ လေဒီလေးတွေကို အကြံပြုတိုက်တွန်းလိုက်ပါရစေ။  ရေနွေးကြမ်းဆိုတဲ့နေရာမှာ လက်ဖက်စိမ်းရေနွေးကြမ်းကို သောက်လို့ ရသလို လက်ဖက်ခြောက် အမျိုးမျိုးကို လည်း ရေနွေးကြမ်းအနေနဲ့ သောက်လို့ ရပါတယ်။ ရေနွေးကြမ်းတစ်နေ့တစ်ခွက်သောက်ပြီး ကော်ဖီကို လျှော့နိုင်သမျှလျှော့တာ အရွယ်ရလာချိန်မှာ အရိုးပါးနိုင်ခြေ အရိုးပွနိုင်ခြေတွေကို ကာကွယ်လျှော့ချလို့ ရပါတယ်။  ကဲ …. အသက်လေးရလာချိန်မှာ အရိုးပါးတာ အရိုးပွတာနဲ့ အရိုးကျိုးလွယ်တာတွေ ခံစားရနိုင်ခြေကို လျှော့ချပြီး အရိုးသိပ်သည်းဆ လျော့ကျမှုကို တတ်နိုင်သမျှ နည်းပါးစေဖို့ မနက်ခင်းတိုင်းကို ရေနွေးကြမ်း တစ်ခွက်သောက်ရင်း စတင်ဖို့ အကြံပြုလိုက်ပါရစေ။

အရေးပေါ်တားဆေး အာနိသင်ထိရောက်ဖို့ ဘယ်လို သောက်ကြမလဲ!

အရေးပေါ်တားဆေး အာနိသင်ထိရောက်ဖို့ ဘယ်လို သောက်ကြမလဲ!

အရေးပေါ်တားဆေးကို အမည်နာမ အမျိုးမျိုး၊ ဆေး တစ်လုံး၊ နှစ်လုံး စသဖြင့် အမျိုးမျိုး ကွဲပြားစွာ တွေ့ရနိုင်ပါ တယ်။ One safe pill၊ အရေးပေါ်သန္ဓေတားဆေး၊ Emergency Pill၊ Morning-After Pill  ဆိုပြီး ခေါ်ဝေါ်မှုတွေ ပြောင်းသွားပေမယ့် မလိုလားအပ်တဲ့ နောက်ဆက်တွဲပြဿနာတွေ မဖြစ်စေဖို့ သောက်ရမယ့် အချိန်ကာလနဲ့ အညွှန်းကတော့ အတူတူပါပဲ။ အခုတစ်ခေါက်မှာတော့ အရေးပေါ်တားဆေး အာနိသင်ထိရောက်ဖို့ ဘယ်လို သောက်ကြမလဲ! ဆိုတာကို ပြောပြပေးချင်ပါတယ်။ အရေးပေါ်တားဆေး ဆိုတာ ဘာလဲ! အရေးပေါ်တားဆေးဆိုတာက အရေးပေါ်သားဆက်ခြားနည်း တစ်မျိုးပါ။ အရေးပေါ်တားဆေးက ပုံမှန်စွဲသောက် ရတဲ့ သားဆက်ခြားနည်းလမ်းတွေနဲ့ မတူပါဘူး။ အရေးပေါ်သန္ဓေတားသောက်ဆေးကို ပုံမှန်သုံးနေကျ တားဆေးက တစ်ခုခု လွဲချော်သွားတဲ့ အခြေအနေမျိုးနဲ့ မတော်တဆ အခြေအနေတွေအတွက် အသုံးပြုကြတဲ့ သားဆက်ခြားနည်း တစ်မျိုးပါ။ ကာလရှည်ကြာ အသုံးပြုမယ့် သားဆက်ခြားနည်း အာနိသင် မရခင်မှာ ယာယီ အသုံးပြုကြတဲ့ သားဆက်ခြားနည်း တစ်မျိုးလို့လည်း ဆိုလို့ ရပါတယ်။  ဘယ်လို အခြေအနေမှာ အရေးပေါ်တားဆေးကို အသုံးပြုကြသလဲ! အရေးပေါ်တားဆေးက အမြဲစွဲသုံးနေရတဲ့ တားဆေးမျိုးတော့ မဟုတ်ပါဘူး။ ဒါပေမယ့် အရေးပေါ် အခြေအနေမှာတော့ အရေးပေါ်တားဆေးကို အသုံးပြုရပါတယ်။ သားဆက်ခြားနည်းလမ်း တစ်ရပ်ရပ်ကို အသုံးမပြုဘဲ အတူနေမိတဲ့ အခါမျိုး ကွန်ဒုံးလိုမျိုး သားဆက်ခြားနည်းလမ်းတစ်ရပ်ရပ်က ကျိုးပျက်သွားတဲ့ အခါမျိုး (ဥပမာ - ကွန်ဒုံး ပေါက်ပြဲသွားတာ၊ ပုံမှန်သောက်နေကျ တားဆေးသောက်ဖို့ မေ့သွားတာ၊ ဆေးထိုးရမယ့် ရက်ကျော်နေတာကို သတိမထားမိဘဲ အတူနေလိုက်မိတာမျိုးတွေပါ) ဆန္ဒမပါဘဲ လိင်ပိုင်းဆိုင်ရာ နှောင့်ယှက်စော်ကားခံရတဲ့အခါမျိုးတွေမှာပါ။  အရေးပေါ်တားဆေး အာနိသင်ထိရောက်ဖို့ ဘယ်လို သောက်ကြမလဲ! အရေးပေါ်သန္ဓေတားဆေးကို သောက်တော့မယ်ဆိုရင်တော့ သိထားရမယ့် အချက်တစ်ခုက အကာအကွယ် မပါဘဲ ဖြစ်ဖြစ် အလိုမတူဘဲ ကိုယ်လက်နှီးနှောခံရတဲ့ အခြေအနေမျိုး ပြီးတဲ့နောက်  မြန်နိုင်သမျှ အမြန်ဆုံး သောက်မိဖို့ပါ။ အရေးပေါ်တားဆေးကို အာနိသင် ထိရောက်မှု ရှိဖို့ဆိုရင် အကာအကွယ်မဲ့ အတူနေပြီး ၂၄ နာရီအတွင်းမှာ သောက်ဖြစ်ဖို့နဲ့ အန်ထွက်သွားတာမျိုး ဖြစ်ခဲ့မယ်ဆိုရင် ထပ်သောက်ဖို့ပါ။  အရေးပေါ်တားဆေး သောက်ဆေး တစ်ခုစီတိုင်းမှာ မတူညီတဲ့ အချိန်ကန့်သတ်ချက်တွေ ရှိတာကြောင့် ဆေးဘူးခွံ ဒါမှမဟုတ် ဆေးကတ်မှာပါတဲ့ ဆေးညွှန်းကို သေချာဖတ်ပြီး အတိအကျ လိုက်နာ သောက်သုံးဖို့ အကြံပြုလိုက်ပါရစေ။ အရေးပေါ်သန္ဓေတားဆေးရဲ့ ထိရောက်မှုကို တိတိကျကျ တိုင်းတာသိရှိနိုင်ဖို့ ခက်ခဲပါတယ်။ ထိရောက်မှုက အတူနေပြီး အချိန် ဘယ်လောက်မြန်မြန်အတွင်း အရေးပေါ်တားဆေးကို သောက်ဖြစ်လဲဆိုတဲ့ အချက်အပေါ်မှာ လည်း မူတည်နေပါတယ်။  အရေးပေါ်သန္ဓေတားဆေးကို သောက်သုံးကြတဲ့ အမျိုးသမီး အယောက် ၁၀၀ မှာ ၁ ယောက် သို့မဟုတ် ၂ ယောက်က ကိုယ်ဝန်ရရှိနိုင်ခြေ ရှိပါတယ်လို့ လေ့လာမှုတွေအရ သိရပါတယ်။  ဘာတွေသိထားဖို့ လိုမလဲ! အရေးပေါ်သန္ဓေတားသောက်ဆေးကို သောက်တဲ့အခါ ထိရောက်မှု ရှိစေဖို့ သတိထားရမယ့် အချက်လေးတွေ ရှိပါတယ်။ ဒါကတော့ အရေးပေါ်တားဆေးကို သောက်တဲ့အခါ အော့အန်တာမျိုး ဖြစ်မယ်ဆိုရင်တော့ ၂ နာရီအတွင်းမှာ ဆေးကို ထပ်သောက်ဖို့ လိုပါမယ်။  အရေးပေါ်တားဆေးသောက်ထားရက်နဲ့ ရာသီသွေးပေါ်ရမယ့်ရက်က ရက်သတ္တပတ် တစ်ပတ်၊ ၇ ရက်ကြာ နောက်ကျနေတာမျိုး ဖြစ်မယ်ဆိုရင်တော့သားဖွားမီးယပ်ဆရာဝန်နဲ့ ပြသကြည့်ဖို့ လိုပါမယ်။ အရေးပေါ်တားဆေး အာနိသင်ထိရောက်ဖို့ ဘယ်လို သောက်ကြမလဲ![/caption] ဘယ်လိုမျိုး ဘေးထွက်ဆိုးကျိုးတွေကို ဖြစ်စေနိုင်လဲ! အရေးပေါ်တားဆေးကို သောက်တဲ့အခါ သိပ်မပြင်းထန်တဲ့ ဘေးထွက်ဆိုးကျိုးတွေ အနေနဲ့   ခေါင်းကိုက်တာ မအီမသာဖြစ်တာ အော့အန်တာ ခြေကုန်လက်ပမ်းကျတာ ညီးစီစီဖြစ်တာ ရင်သားတွေတင်းတာ ရာသီစက်ဝန်းပြောင်းလဲတာမျိုး (ရာသီသွေးဆင်း နည်းတာ၊ များတာ၊ သွေးပေါ်နောက်ကျတာ၊ စောတာမျိုးတွေ) ဗိုက်အောင့်တာ ဆီးစပ်ကိုက်တာ ခါးနာတာ ရင်ဘတ်ထဲက တင်းတင်းကြပ်ကြပ်ခံစားရတာမျိုးတွေ ခံစားရနိုင်ပါတယ်။ ဒီလို ဘေးထွက်ဆိုးကျိုးလေးတွေကို သက်သာစေဖို့ဆိုရင်တော့ အနားယူတာ၊ ရေများများ သောက်တာ၊ သက်တောင့်သက်သာဖြစ်စေမယ့် ချွေးခံထည်တွေကို ဝတ်တာ၊ အကိုက်အခဲပျောက်ဆေး သောက်တာမျိုးတွေ လုပ်ပေးလို့ ရပါတယ်။  Lotoshinn ရဲ့ စကားလက်ဆောင် ပုံမှန်အားဖြင့်ကတော့ အရေးပေါ်သန္ဓေတားဆေးတွေက ဘေးကင်းစိတ်ချရတယ်ဆိုပေမယ့် တစ်ခါတလေ မှာတော့ ပြင်းထန်တဲ့ ဘေးထွက်ဆိုးကျိုးတွေကို ခံစားရနိုင်ပါတယ်။ အရေးပေါ်တားဆေးက ကလေးရနိုင်စွမ်းအပေါ်မှာ ထိခိုက်စေတာမျိုးလည်း မရှိပါဘူး။  ရှိသင့်တဲ့ ကိုယ်အလေးချိန်ထက် များနေတာ၊ အဝလွန်နေတာမျိုးဖြစ်မယ်ဆိုရင်တော့ အရေးပေါ်သန္ဓေတား သောက်ဆေးက ထိရောက်မှု နည်းနိုင်ပါတယ်။ 

ဆောင်းပါး
›
›
›
›
›
›
›
›
›
›
›
›