အမျိုးသမီးကျန်းမာရေး

ဟော်မုန်းကျန်းမာရေး၊ သားဖွားနိုင်စွမ်းနှင့် တစ်သက်တာ တက်ကြွလန်းဆန်းမှုတို့အတွက် လမ်းညွှန်။

ကိုယ်ဝန်ဆောင်ချိန် ဝမ်းချုပ်တာကို သက်သာစေဖို့

ကိုယ်ဝန်ဆောင်ချိန် ဝမ်းချုပ်တာကို သက်သာစေဖို့

ကိုယ်ဝန်ဆောင်ချိန်မှာ ခန္ဓာကိုယ်မှာ ရုပ်ပိုင်းဆိုင်ရာအရရော ကိုယ်တွင်းအင်္ဂါတွေရဲ့ လုပ်ဆောင်မှုအပိုင်းနဲ့ စိတ်ပိုင်းဆိုင်ရာအရမှာပါ အများကြီး ပြောင်းလဲမှုတွေ ဖြစ်ပေါ်နေတာကို မေမေတိုင်း ခံစားဖူးကြမှာပါ။ ဒါပေမယ့် အသစ်စက်စက် မိခင်လောင်းလေးတွေအတွက်ကတော့ ကြုံရသမျှတိုင်းကို ဖြေရှင်းဖို့ အဖြေရှာရ ခက်နေတာမျိုးလည်း ရှိနေနိုင်ပါတယ်။ ဒါကြောင့် အခုတစ်ခေါက်တော့ ကိုယ်ဝန်ဆောင်ချိန်မှာ အဖြစ်များတဲ့ ကျန်းမာရေးပြဿနာလေး တစ်ခုဖြစ်တဲ့ ကိုယ်ဝန်ဆောင်ချိန် ဝမ်းချုပ်တာကို သက်သာစေဖို့ ဘယ်လိုလေးတွေ လုပ်ဆောင်လို့ ရလဲဆိုတဲ့အကြောင်းလေးကို မျှဝေပေးချင်ပါတယ်။  ဝမ်းချုပ်တယ်ဆိုတာ ဘာလဲ! ဝမ်းချုပ်တယ်ဆိုတာကို တော်တော်များများ ရင်းနှီးပြီးသားဖြစ်မှာပါ။ ဝမ်းချုပ်တယ်ဆိုတာက ဝမ်းသွားရခက်နေတာမျိုး၊ ဝမ်းကပုံမှန်ထက် မာနေတာမျိုး ဝမ်းကတစ်ပတ်မှာ တစ်ကြိမ်လောက်ပဲ သွားတာမျိုးဆိုရင်တော့ ဝမ်းချုပ်နေပြီလို့ ဆိုရမှာပါ။  ဝမ်းချုပ်တာက လူတိုင်းလိုလို နေ့စဉ်ဘဝမှာ ကြုံတွေ့ရနိုင်တယ်ဆိုပေမယ့် ကိုယ်ဝန်ဆောင်နေချိန်မှာ ဝမ်းချုပ်တာက ပုံမှန်ထက် ခံစားရနိုင်ခြေ ပိုများနေပါတယ်။  ကိုယ်ဝန်ဆောင်ချိန် ဝမ်းချုပ်တာကို ဘယ်အချိန်မှာ စခံစားရနိုင်လဲ! ကိုယ်ဝန်ဆောင်ချိန်မှာ ဝမ်းချုပ်တာကို ကိုယ်တွင်းမှာ ဟော်မုန်းပမာဏတွေ စတင်မြင့်တက်လာတဲ့ ကာလ အပိုင်းအခြားဖြစ်တဲ့ ကိုယ်ဝန်ဆောင်ကာလ အစောပိုင်း ဒုတိယနဲ့ တတိယလတွေမှာ အစောဆုံးအနေနဲ့ ခံစားရနိုင်ပါတယ်။  ဘယ်လောက်ထိ အဖြစ်များလဲ! ကိုယ်ဝန်ဆောင်ချိန်မှာ ဝမ်းချုပ်တာကို ကိုယ်ဝန်ဆောင်မိခင် အယောက် ၁၀၀ မှာ ၁၆ ဦး ကနေ ၃၉ ဦးလောက်အထိ ခံစားရလေ့ရှိပြီး ကိုယ်ဝန်ဆောင်တာကို ကိုယ်ဝန်ဆောင်ကာလ ပထမပိုင်း ၃ လပတ်မှာ စတင် ခံစားရပြီး ကိုယ်ဝန်ဆောင်ကာလ တတိယ သုံးလပတ်မှာတော့ ပိုပြီး ပြင်းပြင်းထန်ထန် ခံစားရပါတယ်။ ဒီလို ဝမ်းချုပ်တာက ဘေဘီလေးကို မွေးဖွားပြီးချိန် ၃ လလောက်အထိ ဆက်တိုက် ခံစားရနိုင်ပါတယ်။  ဘာကြောင့်ဖြစ်ရတာလဲ! ကိုယ်ဝန်ဆောင်ချိန်မှာ ဝမ်းချုပ်တာကို ခံစားရတာက - ပရိုဂျက်စတုန်း မြင့်တက်လာတာ - ကိုယ်ဝန်ဆောင်ထားရချိန်မှာ ကိုယ်တွင်းမှာ ပရိုဂျက်စတုန်းဟော်မုန်းပမာဏ မြင့်တက်လာပြီး ဒီဟော်မုန်းက အူတွေနဲ့ အူမကြီးကို သက်တောင့်သက်သာ နားနေစေပြီး အူတွေက လုပ်ဆောင်မှု ကို ထိထိရောက်ရောက် မလုပ်ဆောင်တော့တာကြောင့် ဝမ်းသွားဖို့ ခက်တာ၊ ဝမ်းချုပ်တာကို ခံစားရတာပါ။  ဒီအခြေအနေက အူနံရံတွေက အာဟာရတွေကို စုပ်ယူမှုဖြစ်စဉ်ကို နှောင့်နှေးစေသလို အူမကြီးထဲမှာ အစာဟောင်းတွေ အချိန်ကြာမြင့်စွာ ရှိနေတာကလည်း အူတွင်းရေဓာတ်ကို ဆုံးရှုံးစေပြီး ဝမ်းတွေကို မာတာ၊ ဝမ်းစွန့်ထုတ်ရ ခက်တာမျိုးတွေ ခံစားရတာပါ။ ဘေဘီလေး ကြီးထွားလာတာ - နောက်တစ်ချက်ကတော့ သားအိမ်ထဲမှာ ဘေဘီလေးက ကြီးထွားလာလေလေ ဘေဘီလေးရဲ့ ကိုယ်အလေးချိန်က အူမကြီးပေါ် ဝန်ပိစေလေလေ ဖြစ်ရင်းက အစာဟောင်းတွေကို စွန့်ထုတ်ဖို့ ခက်ခဲပြီး ဝမ်းချုပ်တာကို ခံစားရတာပါ။  ကိုယ်ဝန်ဆောင် အားဆေးတွေ - ကိုယ်ဝန်ဆောင်ကာလမှာ မိခင်ရော ကလေးပါ ကျန်းမာစေဖို့အတွက် သံဓာတ်နဲ့ ဗီတာမင်တွေကို ဖြည့်စွက်စားသုံးရတာမျိုးတွေ ရှိပါတယ်။ ဒီဗီတာမင်အာဟာရဓာတ်‌တွေက ဘေဘီလေးဆီ အောက်ဆီဂျင်ရောက်ရှိမှု ကောင်းစေဖို့ ဘေဘီလေးဆီ သွေးစီးဆင်းရောက်ရှိမှု ကောင်းစေဖို့ ထောက်ကူပေးနိုင် ပါတယ်။  ဒီဆေးတွေ သော်ကနေရချိန်မှာ ရေကို လုံလောက်အောင် မသောက်မိတာကလည်း ကိုယ်ဝန်ဆောင် ချိန်မှာ ဝမ်းချုပ်တာကို ခံစားရစေနိုင်ပါတယ်။  နေထိုင်စားသောက်မှုပုံစံ -  နေ့စဉ်တိုင်းမှာ ရေဓာတ်ပြည့်ပြည့်ဝဝ မသောက်သုံးမိတာ၊ ကိုယ်လက်လှုပ်ရှားမှု နည်းပြီး အထိုင်များတာ၊ အမျှင်ဓာတ် လုံလောက်အောင် မစားမိတာတွေက ကိုယ်ဝန်ဆောင်ချိန်မှာ ဝမ်းချုပ်တာ ကို ဖြစ်စေနိုင်ပါတယ်။  ဝမ်းချုပ်နေပြီလား ဘယ်လိုသိနိုင်မလဲ!  ကိုယ်ဝန်ဆောင်ချိန်မှာ ဝမ်းချုပ်နေပြီဆိုရင်တော့ အခုလိုလေးတွေ ခံစားရနိုင်ပါတယ်။  ဝမ်းသွားတဲ့အခါ ဝမ်းကုန်သွားတယ်လို့ မခံစားရတာ တစ်ပတ်ကို တစ်ကြိမ်လောက်ပဲ ဝမ်းသွားတာ ဗိုက်ကဖောင်းကားနေပြီး ဝမ်းသွားရခက်နေတာ ဝမ်းက မာပြီး သွားရခက်နေတာ ဝမ်းသွားတိုင်း ဝမ်းကမာကျစ်ပြီး စအိုကွဲတာမျိုး၊ လိပ်ခေါင်းထွက်တာမျိုးအထိ ခံစားရတာမျိုး ဖြစ်ပြီဆိုရင်တော့ ကိုယ်ဝန်ဆောင်ချိန် ဝမ်းချုပ်တာကို ခံစားနေရတာပါ။ ကိုယ်ဝန်ဆောင်ချိန် ဝမ်းချုပ်တာကို သက်သာစေဖို့ ဝမ်းချုပ်တာက ကိုယ်ဝန်ရှိနေတာရဲ့ လက္ခဏာတစ်ရပ်လေလား!  ကိုယ်ဝန်ဆောင်ချိန်မှာ ဝမ်းချုပ်တာကို ခံစားရနိုင်တယ်ဆိုပေမယ့် ဝမ်းချုပ်နေတာက ကိုယ်ဝန်ရှိနေတယ်လို့ ဆိုင်နိုင်တဲ့ လက္ခဏာတစ်ရပ်တော့ မဟုတ်ပါဘူး။ ကိုယ်ဝန်ရှိနေလားဆိုတာကို အတိအကျပြောနိုင်တာကတော့ ကိုယ်ဝန်ရှိ၊ မရှိစစ်ဆေးပေးတဲ့ စစ်ဆေးချက်ပါ။  ကိုယ်ဝန်ဆောင်ချိန်မှာ ဝမ်းချုပ်တာကို သက်သာစေဖို့ ကိုယ်ဝန်ဆောင်ချိန်မှာ ဝမ်းချုပ်တာကို သက်သာစေဖို့ဆိုရင် ကိုယ်ဝန်ဆောင်ကာလရဲ့ နေ့စဉ်တိုင်းမှာ အခုပြောပြမယ့် အလေ့အထလေးတွေကို လိုက်နာဖို့ လိုပါမယ်။  နေ့တိုင်းမှာ အမျှင်ဓာတ် ပြည့်ဝအောင် စားပါ  ကိုယ်ဝန်ဆောင်ကာလမှာ နေ့တိုင်း အမျှင်ဓာတ် ၂၅ ဂရမ် ကနေ ၃၀ ဂရမ်လောက်အထိ စားဖို့ လိုပါမယ်။ အမျှင်ဓာတ် ရရှိစေဖို့အတွက် နေ့တိုင်း အသီးအရွက်၊ သစ်သီးတွေ၊ ပဲအမျိုးမျိုး၊ နှံစားသီးနှံတွေကို စားပေးပါ။ ရေပြည့်ပြည့်ဝဝ သောက်ပါ တစ်နေ့တာမှာ ရေကို ၁၂ ခွက်အနည်းဆုံး သောက်ပေးဖို့ လိုသလို ရာသီဥတု အခြေအနေကို လိုက်ပြီး တစ်နေ့ကို ရေ ၂ လီတာကနေ ၂ လီတာခွဲလောက်အထိ သောက်ပေးဖို့ လိုပါမယ်။  ကိုယ်လက်လှုပ်ရှားမှု ရှိပါစေ နေ့စဉ်တိုင်းမှာ ပြင်းပြင်ထန်ထန် လေ့ကျင့်ခန်းမျိုး မဟုတ်ဘဲ လမ်းလျှောက်တာ၊ ကိုယ်ဝန်ဆောင် ယောဂ လေ့ကျင့်တာလိုမျိုး ကိုယ်ဝန်ဆောင် ကိုယ်လက်လှုပ်ရှားမှုတွေကို လုပ်ဖို့ လိုပါမယ်။ တစ်ပတ်ကို သုံးကြိမ်လောက် ကိုယ်လက်လှုပ်ရှားမှု လုပ်ပေးရင်ကို လုံလောက်ပါပြီ။  အားဆေးပြောင်းသောက်ပါ ကိုယ်ဝန်ဆောင်ချိန်မှာ အားဆေးသောက်ပြီးမှ ဝမ်းချုပ်တာက ပိုဆိုးလာမယ်ဆိုရင်တော့ ဆရာဝန်ကို ပြောပြတိုင်ပင်ပြီး အားဆေးကို ပြောင်းသောက်တာမျိုး လုပ်ဖို့ လိုပါမယ်။  Lotoshinn ရဲ့ စကားလက်ဆောင် ကိုယ်ဝန်ဆောင်ချိန်မှာ ဝမ်းချုပ်တာက အဖြစ်များပေမယ့် သေချာ ဂရုမစိုက်မိဘူးဆိုရင်တော့ မလိုအပ်ဘဲ ဘေးထွက်ဆိုးကျိုးတွေ ဖြစ်စေနိုင်တာကြောင့် ကိုယ်ဝန်ဆောင်ကာလမှာ နေထိုင်စားသောက်မှုကို သေချာလေး ဂရုစိုက်ပြီး ကျန်းမာတဲ့ ကိုယ်ဝန်ဆောင်ကာလကို ဖန်တီးနိုင်ကြပါစေလို့ အကြံပြုလိုက်ပါရစေ။

ရာသီသွေးထဲ သွေးခဲတွေပါရတာ ဘာကြောင့်လဲ!

ရာသီသွေးထဲ သွေးခဲတွေပါရတာ ဘာကြောင့်လဲ!

ရာသီသွေးဆင်းတာက အနံ့လည်း မဆိုးဘူးဖြစ်မယ်။ တစ်လတစ်ကြိမ် ရာသီသွေးလည်း ဆင်းမယ်ဆိုရင်တော့ ဒါက ပုံမှန်ပဲလို့ ဆိုရပါမယ်။ ဒါပေမယ့် ရာသီသွေး ပုံမှန်ဆင်းနေပေမယ့် လေဒီလေးတွေကို စိတ်ပူစေတဲ့ အချက်လေး တစ်ခု ရှိပါသေးတယ်။ ဒါကတော့ ရာသီသွေးဆင်းတဲ့အထဲမှာ သွေးခဲတွေ ပါလာတာပါ။ ဒါကြောင့် အခုတစ်ခေါက်မှာတော့ ရာသီသွေးထဲမှာ သွေးခဲတွေ ပါရတာက ဘာကြောင့်ဖြစ်တာလဲ! ဘယ်လို အခြေအနေဆို စိုးရိမ်ရမလဲဆိုတာကို ပြောပြပေးချင်ပါတယ်။  ရာသီသွေးထဲ သွေးခဲတွေပါတာ ပုံမှန်ပဲလား! ရာသီသွေးထဲ သွေးခဲတွေပါလာတာက များသောအားဖြင့်ကတော့ ပုံမှန်ပါပဲ။ ရာသီစက်ဝန်း အစပိုင်းနဲ့ အဆုံးပိုင်းရက်တွေမှာ ဖြစ်နိုင်ခြေ ပိုများပါတယ်။ တော်တော်များများကတော့ ရာသီသွေးထဲမှာ သွေးခဲတွေ ပါလာရင် စိုးရိမ်ကြတာ များပါတယ်။ တကယ်ကတော့ ရာသီသွေးထဲမှာ သွေးခဲတွေ ပါရတာက သားအိမ်နံရံက သွေးဆဲလ်တွေ၊ တစ်ရှူးတွေ၊ ပရိုတင်းတွေက အတုံးအခဲများ အနေနဲ့ ခန္ဓာကိုယ် ပြင်ပကို ဆင်းလာတာ ဖြစ်ပါတယ်။ ဒီအခြေအနေကတော့ ပုံမှန်ပဲလို့ ဆိုရပါမယ်။  ရာသီလာနေချိန်မှာ ကိုယ်တွင်းက ဟော်မုန်းတွေက သားအိမ်အတွင်းနံရံတစ်ခုလုံးကို ရာသီသွေးအနေနဲ့ ခန္ဓာကိုယ်ပြင်ပကို ဆင်းသွားစေတာပါ။ ဒီလို ရာသီသွေးဆင်းမှု ဖြစ်စဉ် ဖြစ်ပေါ်နေချိန်မှာ သွေးကြောလေးတွေကနေ သွေးတွေထွက်တာကို ဖြစ်စေပါတယ်။ ဒီအနေအထားမှာ ကိုယ်တွင်းက သွေးဆုံးရှုံးအရမ်းများတာမျိုးမဖြစ်အောင် ကာကွယ်ပေးဖို့အတွက် သွေးခဲစေတဲ့ သွေးဆဲလ်လေးတွေနဲ့  သွေးရည်ကြည်တွေက သွေးခဲစေဖို့ အတူလုပ်ဆောင်လိုက်တာကြောင့် ရာသီသွေးထဲမှာ သွေးခဲတွေ ပါလာရတာပါ။  အချို့သော ကျန်းမာရေး အခြေအနေတွေကလည်း သွေးခဲဆင်းတာကို ဖြစ်စေနိုင်ပါတယ်။  ရာသီသွေးထဲ သွေးခဲတွေပါရတာ ဘာကြောင့်လဲ! ရာသီသွေးထဲ သွေးခဲတွေပါရတာ ဘာကြောင့်လဲ! ရာသီသွေးထဲမှာ သွေးခဲတွေ ပါရတာက အခုလို အကြောင်းအရင်းတွေကြောင့်ပါ။  သွေးဆင်းများတာ သွေးဆင်းများတာကြောင့်လည်း သွေးခဲတာကို ဖြစ်စေနိုင်ပါတယ်။ ရာသီသွေးဆင်းများတဲ့ ရက်တွေဖြစ်တဲ့ ရာသီစက်ဝန်း အစောပိုင်းရက်တွေနဲ့ အဆုံးပိုင်းရက်တွေမှာ သွေးဆင်းများတာနနဲ့အတူ သွေးခဲတွေဆင်းတာ ကိုပါ ဖြစ်စေနိုင်ပါတယ်။  ဟော်မုန်းမမျှတတာ ကိုယ်တွင်းမှာ ဟော်မုန်းအတက်အကျမြန်ပြီး အီစထရိုဂျင်နဲ့ ပရိုဂျက်စတုန်းဟော်မုန်းတွေ အတက်အကျ မြန်လွန်းတာကလည်း သားအိမ်အတွင်းနံရံတွေကို ထူစေပြီး သွေးဆင်းများတာ သွေးခဲတွေဆင်းတာမျိုးတွေကို ဖြစ်စေနိုင်ပါတယ်။  Adenomyosis (သားအိမ်တစ်ရှူးများ ကြွက်သားအဖြစ်ပြောင်းလဲသွားခြင်း) သားအိမ်အတွင်းနံရံမှာရှိနေတဲ့ တစ်ရှူးတွေက ရာသီသွေးအနေနဲ့ ဆင်းသွားတာမျိုး မရှိဘဲ သားအိမ်အတွင်းထဲမှာ ကြွက်သားနံရံအနေနဲ့ ကြီးထွားလာတာကလည်း ရာသီသွေးဆင်းများတာ၊ သွေးခဲတွေ ဆင်းတာမျိုးတွေကို ဖြစ်စေနိုင်ပါတယ်။  သားအိမ်ထဲမှာ အလုံးတည်တာ သားအိမ်ထဲမှာ ကင်ဆာမဟုတ်တဲ့ အလုံးတွေဖြစ်ပေါ် ကြီးထွားလာတာကလည်း သွေးဆင်းများပြီး သွေးခဲတွေ ဆင်းတာကို ဖြစ်စေနိုင်ပါတယ်။  သားအိမ်တစ်ရှူးတွေ သားအိမ်ပြင်ပမှာ ကြီးထွားနေတာ သားအိမ်အတွင်းနံရံမှာ ရှိနေတဲ့ တစ်ရှူးတွေက သားအိမ်ပြင်ပမှာ ကြီးထွားနေတာကလည်း သွေးဆင်းများတာ၊ သွေးခဲတွေဆင်းတာမျိုးတွေကို ဖြစ်စေနိုင်ပါတယ်။  သားအိမ်မှာ ရေအိတ်တည်တာ သားဥအိမ်ထဲမှာ ရေအိတ်လေးတွ တည်နေတာကလည်း ဟော်မုန်းဟန်ချက်မညီတာကို ဖြစ်စေပြီး သွေးဆင်းမမှန်တာ၊ သွေးဆင်းများတာနဲ့ သွေးခဲတွေဆင်းတာမျိုးကို ဖြစ်စေနိုင်ပါတယ်။  သွေးရောဂါ တစ်ခုခု ဖြစ်နေတာ သွေးရောဂါတစ်ခုခု ခံစားနေရတာကလည်း ရာသီသွေးဆင်းများတာနဲ့ သွေးခဲတွေ ဆင်းတာမျိုးကို ဖြစ်စေနိုင်ပါတယ်။  သိုင်းရွိုက်ပြဿနာရှိနေတာ သိုင်းရွိုက်က အလုပ်သိပ်မလုပ်တာပဲ ဖြစ်ဖြစ်၊ ပုံမှန်ထက် အလုပ်တွေ ပိုလုပ်နေတာမျိုးဖြစ်ဖြစ် ရှိနေမယ်ဆိုရင်လည်း ဟော်မုန်းဟန်ချက်မညီတာကို ဖြစ်စေပြီး သွေးဆင်းများတာနဲ့ သွေးခဲတွေဆင်းတာမျိုးကို ဖြစ်စေနိုင်ပါတယ်။  အခုလို အခြေအနေတွေက ရာသီသွေးဆင်းများတာနဲ့ ရာသီသွေးထဲမှာ သွေးခဲတွေ ပါနေတာကို ဖြစ်စေနိုင်ပါတယ်။ ဘယ်လိုအခြေအနေဆိုရင် ဆရာဝန်နဲ့ ပြရမလဲ! ရာသီသွေးထဲမှာ သွေးခဲတွေပါနေတိုင်း ဆရာဝန်နဲ့ မဖြစ်မနေပြဖို့ မလိုပါဘူး။ ဒါပေမယ့် သွေးဆင်းတဲ့ ရာသီစက်ဝန်းက သိသိသာသာ ပြောင်းသွားတာမျိုး ဖြစ်မယ်။ သွေးခဲတွေက အရွယ်အစားကြီးနေမယ်။ သွေးခဲတွေဆင်းနေတာနဲ့အတူ ပြင်းထန်နဲ့ နာကျင်ကိုက်ခဲမှုတွေကိုပါ ခံစားနေရမယ်ဆိုရင်တော့ တတ်ကျွမ်းနားလည်သူတွေနဲ့ ပြသပြီး ကုသမှု ခံယူပေးဖို့ လိုပါမယ်။   Lotoshinn ရဲ့ စကားလက်ဆောင် ရာသီသွေးဆင်းတဲ့ထဲမှာ သွေးခဲတွေပါလာတယ်ဆိုတဲ့နေရာမှာ သွေးခဲတွေ အရမ်းကြီးနေတာမျိုးဖြစ်မယ် ရာသီစက်ဝန်း တစ်ခုနဲ့တစ်ခုကြားမှာလည်း သွေးဆင်းတာမျိုးဖြစ်မယ်။ သွေးခဲတွေဆင်းချိန်မှာလည်း အရမ်းကို နာကျင်ခံစားနေရာတာမျိုး ဖြစ်မယ်ဆိုရင်တော့ တတ်သိနားလည်သူတွေနဲ့ သေချာလေး ပြသပြီး လိုအပ်တဲ့ စစ်ဆေးကုသမှုကို ခံယူကြဖို့ အကြံပြုချင်ပါတယ်။   

ဆောင်းပါး
›
›
›
›
›
›
›
›
›
›
›
›