ဝက်ခြံသက်သာစေဖို့ နေ့စဉ်လိုက်နာသင့်တဲ့ အသားအရေထိန်းသိမ်းမှု နည်းလမ်းများ
အထွေထွေ

ဝက်ခြံသက်သာစေဖို့ နေ့စဉ်လိုက်နာသင့်တဲ့ အသားအရေထိန်းသိမ်းမှု နည်းလမ်းများ

Aye Thi Mon

📅 19.10.2026

ဝက်ခြံက အလှအပဆိုင်ရာ ပြဿနာထက် ပိုတဲ့ အရေပြားကျန်းမာရေးပြဿနာ တစ်ခုပါ။ နေ့စဉ်ဘဝအပေါ်မှာ သက်ရောက်မှု ရှိနေတဲ့ ဝက်ခြံကို သက်သာစေဖို့ နေ့စဉ်တိုင်းမှာ လိုက်နာသင့်တဲ့ အသားအရေ ထိန်းသိမ်းမှု နည်းလမ်းလေးကို မျှဝေပေးချင်ပါတယ်။


ဝက်ခြံသက်သာစေဖို့ နေ့စဉ်လိုက်နာသင့်တဲ့ အသားအရေထိန်းသိမ်းမှု နည်းလမ်းများ

ဝက်ခြံသက်သာစေဖို့ နေ့စဉ်တိုင်းမှာ လိုက်နာရမယ့် အလေ့အထလေးတွေ ရှိပါတယ်။ ဒါတွေကတော့ -

နေ့တိုင်းမှာ ခပ်ပျော့ပျော့ အသားအရေထိန်းပစ္စည်းတွေကို သုံးပြီး အသားအရေကို သန့်စင်ထိန်းသိမ်းပါ - မနက်ကနေ ညနေအထိ အသားအရေကို ခပ်ပျော့ပျော့ မျက်နှာသစ်ဆေးကို သုံးပြီး သေချာလေး သန့်စင်ဖို့ပါ။ ပြီးရင်တော့ တစ်နေ့ကို နှစ်ကြိမ် အစိုဓာတ်ထိန်းခရင်မ်လိမ်းတာ၊ အပြင်ထွက်တိုင်း နေလောင်ကာခရင်မ် လိမ်းတာမျိုးတွေ လုပ်ပေးပါ။

ဆဲလ်သေတွေ ပုံမှန်ဖယ်ရှားပေးပါ - အရေပြားပေါ်က ဆဲလ်သေတွေကြောင့်လည်း ချွေးပေါက်တွေ ပိတ်ဆို့ပြီး ဝက်ခြံတွေ ဖြစ်စေနိုင်ပါတယ်။ ဒါကြောင့် ဆဲလ်သေတွေကို တစ်ပတ်တစ်ကြိမ် ဒါမှမဟုတ် တစ်ပတ်ကို နှစ်ကြိမ်လောက် ဆဲလ်သေတွေ ပုံမှန် ဖယ်ရှားပေးပါ။

ခေါင်းမှန်မှန်လျှော်ပါ - ခေါင်းကိုသေချာလေး တစ်ပတ်ကို ၁ ကြိမ် ကနေ ၂ ကြိမ်လောက် လျှော်ပေးတာက ဦးရေပြားကအဆီတွေကို ဖယ်ရှားပေးနိုင်ပြီး ဦးရေပြားအဆီပြန်တာနဲ့ ဆံပင်ဆံစတွေကနေ ချွေးပေါက်တွေကို ထိမိတာကြောင့် ဝက်ခြံတွေဖြစ်လာနိုင်ခြေကို သိသိသာသာ လျှော့ချပေးနိုင်ပါတယ်။

ဝက်ခြံတွေကို မညှစ်ပါနဲ့ - ဝက်ခြံတွေကို ညှစ်လိုက်တာက ဘက်တီးရီးယားတွေကို ပိုပွားစေပြီး ဝက်ခြံတွေကို ရောင်ရမ်းစေတာ၊ အသားအရေကို ထိခိုက်စေပြီး အမာရွတ်တွေ ဖြစ်စေနိုင်တာမို့ ဝက်ခြံတွေကို မညှစ်ပါနဲ့။

အာဟာရသင့်တင့်မျှတပြီး ကျန်းမာရေးနဲ့ညီညွတ်တာတွေကို စားပါ - နေ့စဉ်တိုင်းမှာ အသီးအနှံများများစားပြီး ရေကိုလည်း လုံလောက်အောင်သောက်ပါ။ အချိုကဲ၊ အငန်ကဲတာတွေကိုရှောင်ပါ။ ကော်ဖီနဲ့ အရက်တွေ၊ ဘီယာတွေကို ရှောင်ပါ။ အသား၊ ငါး၊ အသီးအရွက်တွေကို သေချာလေးနေ့စဉ်မှာပါအောင် စားသုံးပေးပါ။

ပုံမှန်ကိုယ်လက်လှုပ်ရှားမှု လုပ်ပါ
- အသားအရေ ကျန်းမာစေဖို့ဖြစ်ဖြစ်၊ ဝက်ခြံတွေသက်သာစေဖို့ဖြစ်ဖြစ် နေ့စဉ်တိုင်းမှာ ပုံမှန် ကိုယ်လက်လှုပ်ရှားမှုတွေကို သေချာလေး လုပ်ပေးဖို့ လိုပါမယ်။ တစ်နေ့ကို ၁၅ မိနစ် ကနေ နာရီဝက်ဆိုရင်ကို လုံလောက်ပါတယ်။

မျက်နှာနဲ့ထိတွေ့မိနိုင်တဲ့ မျက်နှာပြင်တွေကို သန့်စင်ပါ - ခေါင်းအုံးစွပ်၊ ဖုန်းစခရင်ကစလို့ မျက်နှာနဲ့ အမြဲလိုလို ထိတွေ့မိနေတဲ့အရာတိုင်းကို သေချာလေးသန့်ရှင်းအောင်ထားပေးပါ။ ဒါမှ ဘက်တီးရီးယားတွေကြောင့် ဝက်ခြံ ထွက်လာနိုင်ခြေကို ကာကွယ်ပေးနိုင်မှပြါ။

အသားအရေနဲ့ လိုက်ဖက်တဲ့ မိတ်ကပ်ကို ရွေးချယ်ပါ - မိတ်ကပ်အမြဲလိမ်းနေရတယ်ဆိုရင်တော့ အသားအရေနဲ့ လိုက်ဖက်တဲ့ မိတ်ကပ်ကို သေချာလေး ဂရုစိုက်ဖို့ လိုပါမယ်။ ဒါမှသာ ဝက်ခြံဖြစ်နိုင်ခြေကို လျှော့ချနိုင်မှာပါ။

မိတ်ကပ်ဘရက်ရှ်တွေကို သေချာလေး သန့်စင်ပေးပါ - မိတ်ကပ်ဘရက်ရှ်တွေ၊ ဖော့တွေက ဘက်တီးရီးယားတွေ ပျော်စံရာပါပဲ။ ဒါကြောင့်မို့ ဒါတွေကို ပုံမှန် သန့်စင်ပေးထားဖို့ လိုပါမယ်။

စိတ်ဖိစီးမှု ဖြေလျှော့ပါ - စိတ်ဖိစီးမှုတွေကလည်း အရေပြားကျန်းမာရေးပေါ်ကစလို့ စိတ်ရောကိုယ်ပါ ကျန်းမာရေးအပေါ်မှာပါ အတော်လေး သက်ရောက်မှုရှိပါတယ်။ ဒါကြောင့်မို့ ဝက်ခြံတွေ တစ်လုံးပြီး တစ်လုံး အစီအရီ မထွက်လာစေဖို့ဆိုရင်တော့ စိတ်ဖိစီးမှုကို ဖြေလျှော့ပါ။

ဝက်ခြံက အသားအရေထိန်းသိမ်းမှုလွဲမှားတာကြောင့် ဖြစ်နိုင်သလို စိတ်ဖိစီးမှုများတာ၊ နေ့စဉ်စားသောက်မှု ပုံစံလွဲမှားတာတွေကြောင့်လည်း ဖြစ်နိုင်ပြီး ဟော်မုန်းပြောင်းလဲမှုတွေကြောင့်လည်း ဖြစ်နိုင်ပါတယ်။ ဒါကြောင့်မို့ ဝက်ခြံသက်သာစေချင်တယ်ဆိုရင် တစ်ကိုယ်ရေသန့်ရှင်းရေးကစလို့ နေ့စဉ်နေထိုင်စားသောက်မှုကို သေချာလေး ဂရုစိုက်ဖို့ လိုပါမယ်။

Lotoshinn ရဲ့ စကားလက်ဆောင်

ဝက်ခြံက အသားအရေလှပမှုကိုတင် ထိခိုက်စေတာ မဟုတ်ဘဲ စိတ်ပိုင်းဆိုင်ရာကိုရော ရုပ်ပိုင်းဆိုင်ရာ သွင်ပြင် တွေကိုပါ ထိခိုက်စေနိုင်ပါတယ်။ ဒါကြောင့် နေ့စဉ် နေထိုင်စားသောက်မှုတွေကို သေချာလေး ဂရုစိုက်ရင်း အသားအရေနဲ့ လိုက်ဖက်ညီမယ့် အသားအရေထိန်းသိမ်းမှုတွေကို သေချာလေး ရွေးချယ်ဖို့ လိုပါမယ်။

0

Total Comments

မှတ်ချက်
Aye Thi Mon

Aye Thi Mon

ကျန်းမာရေးနှင့် လူနေမှုဘဝဆိုင်ရာ ဆောင်းပါးများကို စိတ်ပါဝင်စားစွာ ရေးသားနေသူဖြစ်ပြီး အကျိုးရှိသော ဗဟုသုတများကို မျှဝေပေးလျက်ရှိပါသည်။

မှတ်ချက်များ (0)

ဤ environment တွင် မှတ်ချက်ပေးခြင်းကို ယာယီပိတ်ထားပါသည်။

Production database ကို staging မှာ same ချိတ်စမ်းနေချိန် မတော်တဆ data write မဖြစ်စေရန် read-only mode ဖြင့်ထားထားခြင်း ဖြစ်ပါသည်။

မှတ်ချက်များ မရှိသေးပါ။ ပထမဆုံး မှတ်ချက်ပေးသူ ဖြစ်လာပါ!