အ​ထွေ​ထွေကျန်းမာ​ရေး

အထွေထွေကျန်းမာရေးဆိုသည်မှာ လူတစ်ဦး၏ ကိုယ်ခန္ဓာ၊ စိတ်ပိုင်းနှင့် လူမှုဘဝအရ အလုံးစုံကောင်းမွန်စွာ နေထိုင်နိုင်စေရန် ကျန်းမာရေးကို ထိန်းသိမ်းကာကွယ်ခြင်းနှင့် ရောဂါများကို ကြိုတင်တားဆီးကုသခြင်းတို့ကို ပါဝင်သော ကျန်းမာရေးအခြေအနေတစ်ခု ဖြစ်သည်။

နာတာရှည် ရောင်ရမ်းမှုတွေကြောင့် ထိခိုက်မှုကင်းစေဖို့

နာတာရှည် ရောင်ရမ်းမှုတွေကြောင့် ထိခိုက်မှုကင်းစေဖို့

ရောင်ရမ်းမှုတွေက မကုသဘဲ ထားလိုက်မယ်ဆိုရင် နှလုံးကျန်းမာရေးပြဿနာ၊ အစာအိမ်အူလမ်းကြောင်း ကျန်းမာရေးပြဿနာတွေနဲ့ ပြင်းထန်တဲ့ ကျန်းမာရေးပြဿနာတွေဖြစ်စေနိုင်ပါတယ်။ ဒါပေမယ့် နေထိုင်စားသောက်မှုပုံစံကို ပြောင်းလဲလိုက်မယ်ဆိုရင်တော့ ဒါကို သဘာဝအတိုင်း ကုသပြီး ဖြစ်မှာပါ။ ရောင်ရမ်းမှုတွေ ဘာကြောင့်ဖြစ်ရတာလဲ! ရောင်ရမ်းမှုဆိုတာက ခန္ဓာကိုယ်ရဲ့ သဘာဝ ကာကွယ်တုံ့ပြန်မှု စနစ်တစ်ရပ်ပါ။ ရောဂါကူးစက်မှုတွေကို တိုက်ဖျက်ဖို့ ထိခိုက်မှုတွေကို အနာကျက်စေဖို့နဲ့ ကိုယ်တွင်းကို ရောက်ရှိလာတဲ့ အန္တရာယ်ရှိတဲ့ ပစ္စည်းတွေ ကြောင့် ထိခိုက်မှုတွေမဖြစ်အောင် တုံ့ပြန်တဲ့အနေနဲ့ ခန္ဓာကိုယ်က တုံ့ပြန်တဲ့ ဖြစ်စဉ်တစ်ခုပါ။ ဒါတွေက ခေတ္တခဏသာ ဖြစ်စေတာဖြစ်ပြီး နှလုံးရောဂါ၊ ဆီးချိုနဲ့ အဆစ်ရောင်တာ၊ အစာခြေစနစ် ပြဿနာတွေကို ခံစားနေရမယ်ဆိုရင်တော့ နာတာရှည် ရောင်ရမ်းမှုကို ခံစားရမှာဖြစ်ပါတယ်။ ဒါပေမယ့် ဒီနာတာရှည် ရောင်ရမ်းမှုတွေကို သက်သာစေဖို့ဆိုရင် နေ့စဉ် စားသောက်မှုပုံစံကို ပြောင်းလဲတာ၊ နေထိုင်မှုပုံစံကို ပြောင်းလဲတာတွေကို လုပ်ဆောင်တာက လျော့ကျသက်သာစေဖို့ ထောက်ကူပေးနိုင်ပါတယ်။ နေ့စဉ်ရဲ့ နေထိုင်စားသောက်မှုပုံစံကို နည်းနည်းလောက် ပြောင်းလဲလိုက်တာက ခန္ဓာကိုယ်ရဲ့ ရောင်ရမ်းမှုကို တုံ့ပြန်ရတာအပေါ်မှာ အများကြီး သက်ရောက်မှုဖြစ်စေပြီး သက်သာစေဖို့ ထောက်ကူပေးနိုင်တယ်လို့ အစာအိမ်အူလမ်းကြောင်းနဲ့ အသည်းကျန်းမာရေး ကျွမ်းကျင်ပညာရှင် ဒေါက်တာ Saiprasad Girish Lad က ပြောပြပေးခဲ့ပါတယ်။ ရောင်ရမ်းမှုနဲ့ နှလုံးကျန်းမာရေး ခန္ဓာကိုယ်ရဲ့ အစိတ်အပိုင်းတွေမှာ ရောင်ရမ်းတာက ကိုယ်ခံအားက ဖျားနာမှုနဲ့ ထိခိုက်ဒဏ်ရာရတာတွေကို တုံ့ပြန်တဲ့ ဖြစ်စဉ်တစ်ခုပါ။ အနာတွေ ဖြစ်တာကို ခန္ဓာကိုယ်မှာ ပိုးဝင်ကူးစက်မှုတွေကို ခံစားနေရတဲ့အခါ ရောဂါပိုးတွေကို တိုက်ထုတ်ဖို့နဲ့ အနာကျက်စေဖို့အတွက် ရောင်ရမ်းမှုနဲ့ တုံ့ပြန်ကြပါတယ်။ သွေးထဲမှာ ကိုလက်စရောတွေနဲ့ အခြားသောအရာတွေ ရှိနေတဲ့အခါ ရောင်ရမ်းမှုဖြစ်မယ်ဆိုရင် သွေးကြောနံရံတွေမှာ ကပ်တွယ်နေတဲ့ အဆီခဲတွေက ပြုတ်ထွက်လာပြီး သွေးကြောထဲမှာ အဆီခဲတွေ ပိတ်ဆို့သွားတာမျိုး ခံစားရနိုင်ပါတယ်။ ဒီအခြေအနေမှာ ဦးနှောက်သွေးကြောထဲမှာ သွေးခဲလေးတွေ ပိတ်ဆို့သွားပြီး လေဖြတ်တာ၊ ရုတ်တရက် နှလုံးရပ်တာနဲ့ နှလုံးသွေးကြော ပိတ်ဆို့တာမျိုးတွေကို ဖြစ်စေနိုင်ပါတယ်။ လျစ်လျူမရှု့သင့်တဲ့ ရောင်ရမ်းမှု လက္ခဏာတွေ ရောင်ရမ်းမှုမှာ အပေါ်က ပြောခဲ့သလို ခဏတဖြုတ်ဖြစ်တဲ့ ရောင်ရမ်းမှုမျိုး ရှိနိုင်သလို နာတာရှည် ရောင်ရမ်းတာမျိုးလည်း ဖြစ်စေနိုင်ပါတယ်။ လက္ခဏာတွေ အနေနဲ့ကတော့ - ခဏတဖြုတ်ဖြစ်တဲ့ ပြင်းထန်တဲ့ ရောင်ရမ်းမှုမှာဆိုရင်တော့ လက္ခဏာတွေ အနေနဲ့ - ထိခိုက်မိတဲ့တဝိုက်မှာ နီမြန်းရောင်ရမ်းတာ ထိခိုက်မိတဲ့ နေရာတဝိုက်မှာ ရောင်နေတာ၊ နွေးနေတာ ခပ်မျဉ်းမျဉ်း နာနေတာ လှုပ်ရှားရခက်တာမျိုး ဖြစ်တာမျိုးတွေ ခံစားရနိုင်ပါတယ်။ ပြင်းထန်တဲ့ နာကျင်ရောင်ရမ်းမှုမှာဆိုရင်တော့ လက္ခဏာတွေ အနေနဲ့ - ခြေကုန်လက်ပမ်းကျတာ အိပ်ပျော်ဖို့ခက်တာ အဆစ်နာတာ အဆစ်တွေ တောင့်တင်းတာ ဗိုက်၊ ရင်ခေါင်း အောင့်တာ ပါးစပ်ထဲမှာ အနာတွေ ဖြစ်တာ အမြဲလိုလို အရေပြား နီမြန်းရောင်ရမ်းတာ အစာအိမ်အူလမ်းကြောင်း ပြဿနာအနေနဲ့ အက်ဆစ်ပြန်ဆန်တက်တာ၊ ဝမ်းပျက်ဝမ်းလျှောတာ နဲ့ ဝမ်းချုပ်တာတွေ အကြောင်းအရင်းမရှိဘဲ ဝိတ်တက်တာ၊ ဝိတ်ကျတာ ခဏခဏ ပိုးဝင်ကူးစက်တာ အဖျားငွေ့ငွေ့ရှိနေတာ စိတ်ဖိစီးတာ၊ စိုးရီမ်စိတ်လွန်ကဲတာလိုမျိုး စိတ်ခံစားမှုတွေ ပြောင်းလဲလာတာမျိုးတွေ ခံစားရနိုင်ပါတယ်။ ရောင်ရမ်းမှုကို ဘယ်လိုရပ်တန့်ကြမလဲ! ခန္ဓာကိုယ်မှာ ဖြစ်နေတဲ့ ရောင်ရမ်းမှုတွေကို သက်သာစေဖို့ဆိုရင်တော့ နေ့စဉ် နေ့ထိုင်စားသောက်မှုပုံစံကို ပြောင်းဖို့ လိုပါမယ်။ အရောင်ကျစေမယ့် အစားအစာတွေကို စားပေးပါ ခန္ဓာကိုယ်က နာတာရှည် ရောင်ရမ်းမှုတွေကို သဘာဝအတိုင်း သက်သာစေဖို့ဆိုရင် နေ့စဉ် စားသုံးမှုတွေထဲမှာ ခရမ်းချဉ်သီး၊ သံလွင်ဆီ၊ ကိုက်လန်၊ ဟင်းနုနွယ်၊ မုန်ညှင်းလိုမျိုး အစိမ်းရောင် ဟင်းသီးဟင်းရွက်တွေ၊ essential fatty acids ကြွယ်ဝတဲ့ အခွံမာသီးတွေ၊ အစေ့အဆန်တွေ၊ omega-3 ပါတဲ့ ပင်လယ်ငါးတွေ၊ အင်ဒီအောက်ဆီးဒင့် ကြွယ်ဝတဲ့ စတော်ဘယ်ရီ၊ လိမ္မော်သီး၊ ချယ်ရီသီး၊ ဘလူးဘယ်ရီသီးတွေကို စားပေးလို့ ရပါတယ်။ အခြားသော အရောင်ကျစေနိုင်တဲ့ အစားအစာတွေအနေနဲ့ ဆိုရင်တော့ နနွင်း၊ ချင်း (ဂျင်း)၊ ကြက်သွန်ဖြူ၊ နှမ်းကြတ်စေ့ စတာတွေကို စားပေးလို့ ရပါတယ်။ ဒီအစားအသောက်လေးတွေကို နေ့စဉ် စားသောက်မှုမှာ ပါဝင်အောင် စားသုံးပေးတာက နာတာရှည် ရောင်ရမ်းမှုကို ကျဆင်းစေပြီး အစာအိမ်အူလမ်းကြောင်းကိုရော နှလုံးကိုပါ ကျန်းမာစေနိုင်ပါတယ်။ အဆီတွေနဲ့ သကြားတွေကိုတော့ ရှောင်ဖို့ လိုပါမယ်။ ကိုယ်အလေးချိန် ထိန်းပါ ခန္ဓာကိုယ်မှာ ကိုယ်အလေးချိန်တွေ ပိုနေတာက ရောင်ရမ်းမှုကို ပိုဆိုးစေနိုင်ပါတယ်။ ကျန်းမာတဲ့ ကိုယ်အလေးချိန်ကို ထိန်းသိမ်းထားတာကလည်း ရောင်ရမ်းမှုတွေကို သက်သာစေနိုင်မယ့် နည်းလမ်းကောင်းပါ။ ဒါကြောင့် နေ့တိုင်းမှာ အနည်းဆုံး ၁၅ မိနစ် ကနေ နာရီဝက်လောက် ကိုယ်လက်လှုပ်ရှားမှုကို လုပ်ဆောင် ပေးတာက ကိုယ်အလေးချိန်ကို ထိန်းညှိပေးပြီး ရောင်ရမ်းမှုတွေကို သက်သာစေဖို့ ထောက်ကူပေးနိုင်ပါတယ်။ အဆီဆဲလ်တွေကို လျော့နည်းစေပြီး ကိုယ်ခံအား ကောင်းစေဖို့ပါ ထောက်ကူပေးနိုင်ပါတယ်။ စိတ်ဖိစီးမှုကို လျှော့ချပါ ခဏလေး ကာလတိုပဲ စိတ်ဖိစီးစီး ကာလရှည်ပဲ စိတ်ဖိစီးစီး စိတ်ဖိစီးမှုတိုင်းက ကော်တီစောပမာဏကို မြင့်တက်စေပြီး ရောင်ရမ်းမှုတွေကို ပိုဆိုးစေပါတယ်။ ဒါကြောင့် ရောင်ရမ်းမှုတွေကို သက်သာစေဖို့အတွက် စိတ်ကို တတ်နိုင်သမျှ အေးချမ်းအောင် ထားပါ။ တရားထိုင်ပါ၊ အသက်ကို ဝဝလေး ရှူပါ၊ အသက်ရှူ လေ့ကျင့်ခန်း လုပ်တာတွေ လုပ်ပြီး စိတ်ဖိစီးမှုကို လျှော့ချပါ။ အိပ်ရေးဝဝအိပ်ပါ အိပ်ရေးဝတာက ခန္ဓာကိုယ်က ဆဲလ်ပျက်စီးမှုတွေကို ပြင်ဆင်ပေးနိုင်သလို ဟော်မုန်းတွေကိုလည်း ထိန်းညှိပေးနိုင်ပါတယ်။ ဒါတွေအပြင် ရောင်ရမ်းမှုတွေကိုလည်း လျှော့ချပေးနိုင်ပါတယ်။ ဒါကြောင့် တစ်ညကို ၇ နာရီ ကနေ ၉ နာရီလောက်အထိ အိပ်စက်ပေးပါ။ အရက်နဲ့ဆေးလိပ်ကိုဖြတ်ပါ အရက်နဲ့ဆေးလိပ်တွေကို အလွန်အကျွံသုံးစွဲတာက ရောင်ရမ်းမှုတွေကို ဖြစ်စေနိုင်သလို နာတာရှည် ကျန်းမာရေးပြဿနာတွေကိုလည်း ပိုဆိုးစေနိုင်ပါတယ်။ ဒါကြောင့် ရေရှည်မှာ ကျန်းမာစေဖို့နဲ့ ရောင်ရမ်းမှုတွေကို သက်သာစေဖို့အတွက် အရက်နဲ့ဆေးလိပ်ကို ဖြတ်ဖို့ လိုပါမယ်။ Lotoshinn ရဲ့ စကားလက်ဆောင် နေ့စဉ်ရဲ့ နေထိုင်စားသောက်မှုပုံစံမှာ ကျန်းမာရေးနဲ့ ညီညွတ်အောင် စားတာ၊ ပုံမှန်ကိုယ်လက်လှုပ်ရှားမှု လုပ်ပေးတာ၊ စိတ်ဖိစီးမှုတွေကို ဖြေလျှော့ပေးတာ၊ ပြည့်ဝလုံလောက်တဲ့ အိပ်စက်ချိန် ထားရှိတာက နာတာရှည် ရောင်ရမ်းမှုကို သက်သာစေနိုင်သလို စိတ်ရောကိုယ်ပါ ကျန်းမာစေဖို့ ထောက်ကူပေးနိုင်ပြီး ကျန်းမာပျော်ရွှင်တဲ့ နေ့စဉ်ဘဝကို ဖန်တီးနိုင်မှာ အသေအချာပါပဲ။

ကလေးတွေမှာ ကင်ဆာခံစားနေရပြီဆိုတာကို ဖော်ပြနေတဲ့ လက္ခဏာများ

ကလေးတွေမှာ ကင်ဆာခံစားနေရပြီဆိုတာကို ဖော်ပြနေတဲ့ လက္ခဏာများ

ကလေးလေးတွေမှာ ကင်ဆာဖြစ်တာကတော့ ဖြစ်ခဲပါတယ်။ ဒါပေမယ့် လုံးဝမဖြစ်တာမျိုးတော့ မဟုတ်ပြန် ပါဘူး။ ကလေးလေးတွေမှာလည်း ကင်ဆာရောဂါ ခံစားရနိုင်ပါတယ်။ တစ်ခါတလေကျရင် အရမ်းမပြင်းထန်ခင်မှာ ပုံမှန်အတိုင်း ရှိနေတတ်ပြီး ပြင်းထန်လာချိန်မှာ လက္ခဏာတွေ ပြလာတာမျိုးလည်း ရှိတတ်ပါတယ်။ ဒါကြောင့် ကလေးတွေမှာ အခုလို လက္ခဏာတွေ ဖြစ်နေပြီဆိုရင် ကင်ဆာကို ခံစားနေရတာ ဖြစ်နိုင်ပြီး ချက်ချင်း လိုအပ်တဲ့ စစ်ဆေးကုသမှုကို ခံယူဖို့ လိုမှာပါ။ ဒါကြောင့် အခုတစ်ခေါက်မှာတော့ ကလေးတွေမှာ တွေ့ရတတ်တဲ့ ကင်ဆာရဲ့ လက္ခဏာရပ်လေးတွေကို ပြောပြပေးလိုက်ပါတယ်။ ကလေးတွေမှာ ကင်ဆာခံစားနေရပြီဆိုတာကို ဖော်ပြနေတဲ့ လက္ခဏာများ ကလေးငယ်လေးတွေမှာ ကင်ဆာခံစားနေရပြီဆိုရင် အခုလို လက္ခဏာလေးတွေ တွေ့ရနိုင်ပါတယ်။ ပုံမှန်မဟုတ်ဘဲ ရောင်ရမ်းတာ၊ အဖုတွေအကျိတ်တွေ ထွက်တာမျိုး ကလေးလေးတွေမှာ ကင်ဆာဖြစ်တဲ့အခါ ပုံမှန်မဟုတ်ဘဲ ရောင်ရမ်းတာမျိုးတွေ နောက်ပြီး အဖုအကျိတ်တွေက သာမန်နဲ့ မတူတဲ့ ပုံစံမျိုးတွေနဲ့ ထွက်လာတာမျိုးတွေ ရှိနိုင်ပါတယ်။ အထူးသဖြင့် လည်ပင်း၊ ရင်ဘတ်၊ ချိုင်း၊ ဗိုက်လိုနေရာမျိုးတွေမှာပါ။ ပုံမှန်အားဖြင့်ကတော့ ဒီအဖုအကျိတ်တွေက နာတာကျင်တာမျိုး မရှိဘဲ တင်းတင်းကြီးနဲ့ ထိခိုက်ရင် ခပ်မာမာကြီး ဖြစ်နေတာမျိုးပါ။ ဘယ်လိုနည်းလမ်းတွေနဲ့ သက်သာအောင် လုပ်လုပ် မသက်သာသွားဘဲ ဆက်ကြီးလာတာ ဆက်ပွားလာတာမျိုး တွေ ခံစားရတာမျိုးလည်း ဖြစ်နိုင်ပါတယ်။ အရိုးတွေ၊ အဆစ်တွေနဲ့ နောက်ကျောမှာ အမြဲလိုလို နာကျင်နေတာ ကလေးတွေမှာ ကင်ဆာဖြစ်နေပြီဆိုရင်တော့ အကြောင်းအရင်း ရေရေရာရာ မရှိဘဲ အမြဲလိုလို နာကျင်နေတာ သက်တောင့်သက်သာ မဖြစ်တာမျိုး ခံစားနေရတာမျိုးတွေ ရှိနိုင်ပါတယ်။ ကလေးက သွေးကင်ဆာနဲ့ အရိုးမှာ အကျိတ်ဖြစ်တာမျိုးတွေ ခံစားရမယ်ဆိုရင်တော့ ကင်ဆာဆဲလ်တွေက အရိုးတစ်ရှူးတွေဆီ ရောက်သွားပြီး အနီးတဝိုက်က နေရာတွေဆီကို ရောက်ရှိသွားပြီး နာကျင်တာကို ခံစားရနိုင်ပါတယ်။ အဆစ်တွေ ခါးတွေမှာဆိုရင် ပုံမှန် လှုပ်ရှားမှုတွေကို ထိခိုက်စေတာမျိုးတွေ ဖြစ်စေနိုင်ပါတယ်။ အကြောင်းအရင်း မရှိဘဲ ကိုယ်အလေးချိန်ကျလာတာ၊ ခြေကုန်လက်ပမ်းကျလာတာ ကလေးက အကြောင်းအရင်း ရေရေရာရာ မရှိဘဲ အမြဲလိုလို ခြေကုင်္နလက်ပမ်းကျနေတာ၊ ကိုယ်အလေးချိန်တွေ ကျလာတာကလည်း ကင်ဆာကြောင့် ဖြစ်နိုင်ပါတယ်။ နောက်တွေ့ရနိုင်တာက ကလေးက လုံလောက်တဲ့ အိပ်စက် အနားယူမှုတွေ ရရှိနေပေမယ့် ကလေးရဲ့ အရေပြားတွေ ဖျော့တော့လာတာ၊ အားနည်းနေတာတွေ ခံစားလာရမယ်ဆိုရင်လည်း ကလေးရဲ့ ကိုယ်တွင်းမှာ ကျန်းမာတဲ့ သွေးဆဲလ်တွေထုတ်လုပ်နိုင်စွမ်းနည်းလာပြီး ရောဂါတွေကို တိုက်ထုတ်နိုင်စွမ်းကျဆင်းလာတာကြောင့်ပါ။ ကလေးက ဒီလက္ခဏာတွေကို ဆက်တိုက် ခံစားနေရမယ်ဆိုရင် ချက်ချင်း ကုသစစ်ဆေးမှုကို ခံယူဖို့ လိုပါမယ်။ ခဏခဏ ဖျားတာ၊ ကူးစက်မှုတွေ ခံရတာ ကလေးက ကင်ဆာခံစားနေရပြီဆိုရင် ပိုးဝင်ကူးစက်ခံရတာကို ခဏခဏ ခံစားနေရပြီး အဖျားတာရှည်နေတာ၊ ကိုယ်ခံအားမကောင်းတာတွေကို ခံစားနေရတာက ကင်ဆာကြောင့် ကလေးမှာ ကိုယ်ခံအား ထိခိုက်စနေတာ ကြောင့်ပါ။ ကလေးမှာ ခဏခဏ ဖျားတာနဲ့အတူ နားပိုးဝင်တာ၊ အရေပြားပိုးဝင်ကူးစက်တာ၊ ပြင်းထန်တဲ့ ကူးစက်မှုတွေကို ခံစားနေရပြီဆိုရင် ကင်ဆာကို ခံစားနေရတာကြောင့် ဖြစ်နိုင်ပါတယ်။ အမြင်ပြောင်းလဲလာတာ၊ ပြင်းပြင်းထန်ထန် ခေါင်းကိုက်လာတာ ကလေးက အမြင်အာရုံပြဿနာကို ခံစားနေရတာ၊ အကြောင်းအရင်းမရှိဘဲ ပြင်းပြင်းထန်ထန် ခေါင်းကိုက်တာကို ခံစားရတာက ဦးနှောက်မှာ ကင်ဆာကျိတ် ရှိနေတာကြောင့် ဖြစ်နိုင်ပါတယ်။ ခေါင်းကိုက်တာက မနက်ပိုင်းတွေမှာ ပိုပြင်းထန်ပြီး ခေါင်းကိုက်တာနဲ့အတူ မအီမသာဖြစ်တာ အော့အန်တာတွေကိုပါ ခံစားရတာ၊ ဟန်ချက်မညီတာမျိုးနဲ့ တက်တာ၊ အကြောင်းအရင်း ရေရေရာရာ မရှိဘဲ ကြွက်သား အားနည်းတာမျိုးကို ခံစားရမယ်ဆိုရင်လည်း ကလေးက ကင်ဆာကို ခံစားရနိုင်တာ ဖြစ်ပါတယ်။ ကလေးမှာ မျက်စိ ကင်ဆာ ခံစားရမယ်ဆိုရင်လည်း မျက်လုံးထဲမှာ ပုံရိပ်တွေကို ကောင်းကောင်း မမြင်တာမျိုးနဲ့အတူ ခေါင်းကိုက်တာ၊ မူးတာတွေကို ခံစားရတာမျိုး ရှိနိုင်ပါတယ်။ ကလေးမှာ အခုလို အခြေအနေတွေကို ခံစားနေရမယ်ဆိုရင် လိုအပ်တဲ့ စစ်ဆေးကုသမှုတွေကို ခံယူပြီး အချိန်မီ ကုထုံးတွေကို ရွေးချယ်ကုသဖို့ လိုပါမယ်။ Lotoshinn ရဲ့ စကားလက်ဆောင် ကလေးတွေက ခံစားရတာကို ပြောပြနိုင်စွမ်း ရှင်းပြနိုင်စွမ်းက လူကြီးတွေလောက် မကောင်းတာကြောင့် ကလေးကို သေချာလေး ကြည့်ပြီး ဂရုစိုက်ပေးဖို့ လိုပါမယ်။ ကလေးမှာ အခုပြောခဲ့တဲ့ လက္ခဏာတွေကို ခံစားနေရမယ်ဆိုရင်လည်း အချိန်မဆွဲဘဲ လိုအပ်တဲ့ ကုသမှုကို ခံယူဖို့ လိုပါမယ်။ # Disclaimer: ဒီဆောင်းပါးလေးက ဗဟုသုတအနေနဲ့ မျှဝေခြင်းသာ ဖြစ်ပြီး ဆေးဖက်ဆိုင်ရာ အကြံပြုစစ်ဆေးချက်တွေနေရာမှာ အစားထိုးဖို့ မဟုတ်ပါကြောင်း ….

ဆောင်းပါး
›
›
›
›
စမုန်ဖြူ (Thyme)
စမုန်ဖြူ (Thyme)

ဆေးဖက်ဝင်အပင်များ

›
›
›
›
›
›
›
›